Презідентка СР Зузана Чапутова у четверь в Братїславі выменовала шість судцїв общіх судів без часового обмеджіня. Стали ся нима Марія Чернакова, Ева Добрікова, Петер Дудіч, Ева Лампартова, Зузана Салаёва і Ґабрєла Лукачова. Послїдня споминана є новов посилов Окресного суду Гуменне. Презідентка увела, же функцій ся судцёве хапають в часі, кедь суть погляды публікы напрямены ку юстіції веце як другыраз. ,,В часі, коли зо знепокоїнём слїдуєме, як ся судцёве самы, але ай цїлый судцёвскый став вырівнавать з тыма, котры у своїй функції тотално не успіли,“ підчеркла Чапутова з тым, же нововыменованы судцёве суть сучастёв новой надїї, котру публіка хоче внимати.

(Шутіова, TASR)