Уж за три тыжднї отварять ся юбілейный 10. рочник Меджінародной лїтнёй школы русиньского языка і културы – Studium Carpato-Ruthenorum 2019 – на Пряшівскій універзітї. Орґанізатором даной акції є Інштітут русиньского языка і културы Пряшівской універзіты. Меджінародня літня школа є про каждый, кого інтересує русиністіка, т. є. язык, література, култура, історія і етноґрафія карпатьскых Русинів. Од року 2010 у тім 3-тыжднёвім проєктї взяло участь выше 200 участників із 14 країн світа: з Нїмецька, Австрії, Швейцарії, Італії, Україны, Польщі, Чеськой републікы, Булгарії, Сербії, Споєных штатів Америкы, Канады, Арґентины, Чіны і Словакії. (Пкф)