Пряшівскый самосправный край (ПСК) оцінить по 22-раз найуспішнішых шпортовців края, і то конкретно в апрілю підчас традічного славностного оціньованя. Шырока публіка може номінації давати до 13-го фебруара. Пресаґентуру TASR о тім інформовала говоркыня ПСК Даша Єленьова. Номінації суть отворены в цілково у вісем катеґоріях. Край оціньованя уж традічно призначує найуспішнішым шпортовцям меджі єднотливцями і  гендікепованыма шпортовцями, як і найуспішнішыма старшыма ці молодежныма шпортовыма колективами. Од шырокой публікы принимає номінації і на найуспішнішого тренера краю, найуспішнішого штудента середньой школы ці на найвекшый талант до 15 років. Жытелі краю їх можуть загнати і в припаді катеґорії Ціна председы ПСК. Тот річник оціньованя принесе тыж мено нового лавреата, котрый ся запише до Шпортовой сіні славы ПСК. Номінації край приїмать до 13-го фебруара. Подрібнішы інформації суть опублікованы на веб-сторинці края. (TASR, Пкф)