Пряшівскый самосправный край (ПСК) достав схваліня про 17 проєктів на розвой реґіону за 10,4 мiлiона евр з еврофондів Проґраму Словакія. Проєкты суть орєнтованы на розвой інтелiґентных міст, понижованя енерґетічной нарочности будов, ціклотранспорт, културну і природню дідовизню і соціалны службы. Найвеце средств, 4,44 мiлiона евр, є призначеных на будованя ціклотрас. Меджі вісем схваленыма ціклопроєктами суть, наприклад, трасы як Хмельниця – Чортова скала, Голумниця – Топорчік, Вышны Ружбахы – Седло Лустова, меджі Старов і Новов Любовньов, і ціклопішник Спішска Бела – Подолинець – Вышні Ружбахы. Планує ся тыж ціклоокруг, котрый споїть купельны міста попрадской долины, і часть Лацкова – Камюнка, і таксамо управа ціклодрагы в Подолинці. В соціалній области схвалили два проєкты за нецілых 994-тісяч евр. Тоты проєкты мають підпорити соціално-економічне залучованя марґіналiзованых комуніт. Конкретно іде о Центер соціалных служб „Дуговый сен – Дом на півдрагы“ в Меджілабірцях і реконштрукцію і модернізацію Комунітного центра Свиня. (TASR, Pkf)