З цільом уможнити в часі вакацій спознаваня історичных, културных і природных крас выходной Словакії завів Пряшівськый самосправный край (PSK) в примістьскій автобусовій доправі в часі вікендів і свят єдноевровый тікет. Службу можуть хоснувати родины з дітьма у вшыткых договореных переправників Пряшівського і Кошыцького самосправного края. Пресаґентуру TASR о тім інформувала Леа Геілова з одділіня комунікації і пропаґації Уряду PSK.  PSK  в часі літа фінанцує і шпеціалне сезонне автобусове споїня до Піенін. На трасі Стара Любовня – Червеный Клаштор ходять автобусы в часі собот і неділь до 4-го септембра. (TASR, Пкф)