Середня одборна школа політехнічна і служеб арм. ґен. Л. Свободы в Свіднику буде мати новы ділні на одборне тренованя за веце як 1,5 міліона евр. Зачало ся то вчера переданьом місця будованя а докінчены бы мали быти приближні о рік. Пресаґентуру TASR о тім інформовала Леа Геілова з одділіня комунікації і пропаґації Уряду ПСК. Выставба собі выжадать скоро 1,53 міліона евр, фінанції ПСК представують высше 1,1 міліона  евр а 445.000 евр є увер з Европской інвестічной банкы. Проєкт выставбы ділні на одборне тренованя творить выбудованя новой галы з простором  20 на 40 метрів, котрый є розділеный на три части. Свої просторы ту найдуть педаґоґы і штуденты одборів механік строїв, обрабляч металу ці столярь. Єдночасно ся ту вытворять робочі і складовы просторы. В спомянутій школі актуалні штудує 310 штудентів і єй выховно-едукачный процес ся орьєнтує на строярьскый промысел, доправу і  службы. (TASR-ПКФ)