x

Пряшівскый край выдїлить 125.000 евр на поміч про утеченцїв

00

Про утеченецьку крізу в повязаню з войнов на Українї выдїлив Пряшівскый самосправный край зо свого розрахунку 25.000 евр про село Убля а 100.000 евр на забезпечіня гуманітарной помочі про утеченцїв. У четверь то схвалили крайскы посланцї. Уряд ПСК забезпечіть утеченцїм наприклад накуп потравин, здравотницькый матеріал, гіґіенічны потребы, постелї, матрацы ці уквартелёваня. Заміровов дотаціёв про Ублю хоче край помочі єдному з найвеце міґрачнов вовнов постиженому селу в пряшівскім реґіонї. Председа ПСК Мілан Маєрьскый выголосив, же штат бы мав перевзяти на себе одповідность, жебы знав выголосити краї, респектіве села, котрых ся то дотулять, за субєкты господарьской мобілізації. То значіть, же їм підпише приказный лист на вецне повнїня,“ сконштатовав з тым, же скорше ці пізнїше буде потребовати поміч і ПСК.

(TASR, Шутіова)