x

Інвестор у Вранові над Топльов

00

12517До Вранова над Топльов приходить інвестор, котрый хоче выбудовати в промысловім парку мясокомбінат. Не іде о незнамого інвестора, є то містна фірма DEJ invest, s. r. o., котра стоїть і за добудованьом зимного штадіона в Вранові. Посланці уж єй одклепли замір на аренду парцелы на 11 років. По скінчіню аренды мать інвестор на парцелу предкупне право – єдно евро за квадратный метер. Пожадавков міста є, жебы ся на даный час не мінив характер выробы. Iнвестор зачне выробу найпізніше до єдного рока од підписи договору на аренду, в опачнім припаді може місто одступити од договору. Кедь піде вшытко подля плану, в промысловім парку Ферово бы могло найти роботу 13 людей.
(Анна Кузмякова)