Понад 1500 віруючіх із цілой Ґрекокатолицькой митрополітной церькви sui iuris на Словакії, вєдно із єпіскопами, священиками, монашеством і богословами, в тых днях ідуть на Юбілейне путованя до Вічного міста. Проґрам путованя і навщіва чотырьох головных папскых базилік вєдно з переходом через святы браны одбуде ся од 24-го до 27-го октобра. З віруючіма іде Высокопреосвященый владыка Йона Максим, пряшівскый архієпіскоп і митропліта, Высокопреосвященый архієпіскоп Кіріл Василь – кошыцькый єпарха, Преосвященый владыка Петро Руснак – братіславскый єпарха, братіславскый помічный єпіскоп кір Мілан Лах, і кір Маріян Андрій Пацак – емерітный торонтьскый єпарха. Ку ґрекокатоликам із Словакії приєднать ся і владыка Кіро Стоянов, котрый є єпархом Македоньской ґрекокатолицькой церькви, вєдно із священиками а віруючіма Єпархії Успенія Пресвятой Богородіці в Струміці, котра має приблизно 10 000 віруючіх.

(Медвідь, ISPA)