Америцькый презідент Джов Байден в понедільок почас свого приговору ку народу повів, же Споєны штаты дали афґаньскій армії „вшыткы шансы“ проти руху Талібан. Підкреслив, же США будуть „в припаді потребы скоро діяти“ проти терорізма в Афґаністані. Шеф Білого дому додав, же собі „певно стоїть за рішіньом“ стягнути америцькы силы з той країны. Подля його слов „будованя народа“ в Афґаністані ниґда не было цільом Америчанів. Байден єдночасно припустив, же колапс афґаньской влады і поступ радікалного руху Талібан были скорішы, як очековав.

(Медвідь, TASR)