На 15 ся звышыло чісло жертв залив в централній Ґреції по тім, што ґрецькы рятовници нашли тіла дальшых четверо людей. Дві особы суть покы фурт страчены. Інформують о тім аґентуры  AFP і Reuters. Цілково было в часі суботняйшой ночі евакуовано до беспекы уж высше 4200 людей, выходить то з выголошіня гасічів. Буря Даніел, котра од понеділька комплікує жывот людей в централных частях Ґреції принесла “екстремне“ множество доджовых опадів. Ішло о найінтензівнішы доджі од початку міряня в року 1930. (TASR, Pkf)