Споєны штаты Америкы не можуть потвердити інформації о тім, же Іран додав Росії балістічны ракеты, повів у понедільок говорця Рады Білого дому про народну безпеку Джон Кірбі, інформує аґентура Reuters. Америцькый денник Wall Street Journal публіковав інформації, же Іран додав Москві балістічны ракеты куртого досягу з одкликаньом ся на анонімных америцькых і европскых представителів. Кремель в понедільок тоты інформації не дементовав.

(Медвідь, TASR)