Европска комісія в понедільок авізовала накупліня 200 дезінфекчных роботів про шпыталі по цілій Европі в рамках намагань о спомаліня шыріня нового тіпу коронавірусу. Подля пресовой справы комісії ся роботы накуплять через Інштрумент ЕУ про поміч в нужді, котрый має розрахунок 2,7 міліарды евр. На роботы было выділеных 12 міліонів евр. Комісія реаґує на жадость шпыталів з векшыны членьскых держав Унії, котры выразили інтерес о здобытя роботів способных дезінфіковати штандартны ізбы про паціентів за помочі ултрафіалового світла уж за 15 минут. Доданя ся очекує в найблизшых тыжднях.

(Медвідь, TASR)