В Німецьку ся став терчом атаку дальшый політик. Покы неідентіфікованый муж вчера зразу напав у часті Рудов бывшу старостку Берліна, сполкову ексміністерку про родину і днешню сенаторку про економіку Франзіску Ґіффеиову зо Соціалнодемократічной партії Німецька (SPD).

В містьтній бібліотеці ю зозаду бухнув до головы  і шыї ташков наповненов твердым обсягом, інформувала аґентура DPA  з одкликаням ся на берліньску поліцію і прокуратуру. По атаку абсолвовала сенаторка в шпиталю амбулантне дослідженя, кідже мала боліня головы і шыї. Минулый тыждень в пятницю знова четверо молодых мужів в Драждянох напали 41-річного посланця Евроспкого парламенту Маттгіаса Ецкего, кедь ліпив предволебны плаґаты SPD. По атаку го мусіли оперовати. (TASR, Pkf)