В Польщі прибыло за послідніх 24 годин 20.576 новых сітуацій інфікації коронавірусом і 51 з тым повязаных смертелных сітуацій. З одкликаням ся на дани тамтешнього міністерства здравотницьтва о тім інформувала аґентура PAP. Чісло госпіталізуваных з ковідом в польскых шпиталях ся звышыло з 19.707 в попередній день на 20.067. Меджі ними є і 1816 пацєнтів, котры дыхають за помочі плюцной вентілації. Резорт здравотницьтва на Twitteri інформував, же країна діспонує цілково 2437 плюцныма вентілаторами. Увів тыж, же актуалні є в карантені цілково  684.516 людей. Захворіня COVID-19 од зачатку пандемії переконало уж веце як три міліоны людей. В скоро 38-міліоновій Польщі затля цалком заочкованых є уж выше 20 міліонів людей, пише PAP. (TASR, Pkf)