Ізраїльскый войновый кабінет дав свойому тіму інштрукцію, абы продовжував в снажіню о досягнутя пропущіня заложників, котрых в палестиньскім Пасмі Ґазы затримує радікалный рух Гамас. З одкликаням ся на выголошіня канцеларії ізраїльского премєра Бенйаміна Нетанйагуа о тім днесь інформували  ізраїльскы медія. Аґентура DPA з одкликаням ся на тоты медія додала, же войновый кабінет перед  тым засідав штирі годины. О условіях пропущіня заложників занесеных до Пасмы Ґазы по впаджіню палестиньскых терорістичных команд на югу Ізраїля зо 7-го октобра 2023-го року неїднають Ізраїль і Гамас прямо, але за участі посередників – Еґіпта, Катару і США. (TASR, Pkf)