Шефка діпломації Европской унії Кая Каллас в понедільок інформовала, же Унія почала фінанцовати шпеціалный трібунал на процес із російскым презідентом Владиміром Путіном і далшыма російскыма представителями за злочіны аґресії проти Україны, інформує аґентура Reuters. Єдночасно вызвала і далшы країны, жебы на трібунал дали грошы. Каллас почас пресконференції в Києві по боці україньского презідента Володиміра Зеленьского повіла, же Унія зрядила тот трібунал, і теперь му дала грошы. Вызвала на фінанцованя і далшы участны стороны, жебы трібунал міг наповно фунґовати, бо без досягненя одповідности за їй словами не мож досягнути тырвалый і справеливый мір.

(Медвідь, TASR)