Зеленьскый вызвав партнерів на реакцію
00
Україньскый презідент Володимір Зеленьскый вызвав у понедільок меджінародных партнерів, жебы реаґовали на атаку на здравотницьке авто в селі Водяне в Донецькій области, коло котрой вмерли двоми вояци і єден быв зраненый. Інформовала о тім аґентура Укрінформ. Як ся выразив презідент, острільованя здравотницького авта є порушіньом норм меджінародного і гуманітарного права, ганебнов і ображливов пробов пошкодити складный процес выїднаваня о перемірю на Донбасі. Подля аґентуры Уніан проросійскы силы засягли авто, котре належало членам Операції сполочных сил і везло зраненого вояка, протитанковов стрілов. Озброєный конфлікт собі од року 2014 выжадав вже понад 13 тісяч мертвых.
(Медвідь, TASR)
- Назад / Nazad Одбыла ся стріча Трампа з Кімом на сполочній границі Северной і Южной Кореї
- Далше / Dalše Макрон не хоче розшырити Унію, покля не перейде реформами