Платность договору уможнюючого Україні безпечно експортовати зерно через Чорне море на світовый рынок в ночі на віторок офіціално закінчіла ся по тім, што Москва не была согласна з його продовжіньом і одступила од нього, інформує аґентура AFP. Договор, котрого влони в юлі посередником была Орґанізація зъєдиненых народів вєдно з турецькым презідентом Речепом Тайїпом Ердоґаном, Україні уможнив вывезти понад 32 міліонів тон зерна і потравин. Велика часть ішла до розвойовых країн в Африці або на Близкім Выході. Рішіня Росії одступити од договору є подля америцького міністра загранічных діл Антоні Блінкена безоглядне, кедьже голодуючім у світі іщі веце скомплікує приступ ку потравинам. Рішіня Москвы одсудили і далшы европскы а світовы політіци.

(Медвідь, TASR)