Компромісы з Російов бы мали Українці схвалити в референдумі
Україньскый презідент Володимір Зеленьскый выголосив, же будьякый компроміс досягненый на їднанях з Російов будуть мусити схвалити в референдумі україньскы гражданы. Інформовала о тім в понедільок аґентура AFP. Зеленьскый уточнив, же іде о вопросы безпечностных ґаранцій про Україну, як і о дочасно окупованы теріторії Донецькой і Луганьской области а Кримской автономной републікы. Презідент то повів в ексклузінвім розговорі, котрый дав у понедільок брітаньскым, чеськым і україньскым медіям. Бісідовав і о ключовім вопросі – членстві Україны в НАТО. За його словами уж вшыткы на Україні зрозуміли, же Україна прията не буде, бо членьскы державы „боять ся“ Росії. В тім припаді Україна подля Зеленьского потребує іншы безпечностны ґаранції.
(Медвідь, TASR)
-
Назад / Nazad До Польщі з Україны уж прийшло высше 2,1 міліона людей
-
Далше / Dalše Унія посилнить свою оборону