У Варшаві ся днесь зышли на саміті лідры 12 країн, котры лежать меджі Ядраньскым, Балтьскым і Чорным морьом, в тім чіслі і Словакії, котру заступляють презідент Aндрей Кіска і підпредседа влады Петер Пелеґріні. Tрампову навщіву Варшавы провадять строгы безпечностны правила і звышена кількость поліцайтів. Америцькый презідент Трамп ся приговорить польскому народу, зыйде ся з польскым презідентом Анджейом Дудом і хорватьсков презідентков Ґрабаровов-Кітаровічовов. Буде участный на саміті Ініціатівы трьох морей, де бы мав діскутовати з европскыма лідрами о енерґетічных і далшых опросах. З Варшавы америцькый презідент одыйде підвечур до німецького Гамбурґу на саміт лідрів ґрупы G20.
(Анна Кузмякова)