Мадярьско уж четвертый рік по собі є на посліднім місці в рамках Европской унії (ЕУ) в списку в області корупції, котрый у вівторок опубліковала централа Transparency International (TI) в Берліні. Попередив на то  сервер 24.hu. Мадярьско здобыло в індексі чутя корупції за рік 2025 лем 40 бодів зо 100 можных і такым способом заняло 84-те місце в споминанім списку. Меджірічно іде о погіршіня о єден пункт. Платить притім, же чім высше є скоре, тым є в країні корупція менша. Згодне чісло пунктів як Мадярьско здобыло минулый рік і Булґарія і вєдно так належать меджі найскорумпованішы країны ЕУ. На кінці Унії ся находить тыж Румунія зо 45 пунктами. Словакія в актуалнім списку є на 61-ім місці корупції, Чехія на 39-ім місці а Польща на 52-ім місці. (TASR, Пкф)