Мадярьско актівовало наряджіня на охрану людей без домова
00
В Мадярьску в понедільок вечур выголосили такзваный червеный код, котрым ся в днях почас погоды з морозами актівує наряджіня обовязуюче вшыткы соціалны заряджіня прияти людей без домова. З одкликаньом на інформачный сервер hirklikk.hu о тім інформовала аґентура TASR. Державный секретарь резорту внутрішніх справ одповідный за політіку старостливости Аттіла Філіп в повязаню з тым уточнив, же наряджіня буде платне правдоподобно до суботы рана. Актуално є подля його слов наповненость притулків про людей без домова в Будапешті 76-процентна, а в цілодержавній сіті тых домів на уровни 80-ох процент. Метеоролоґове очекують в найблизшых днях знижіня теплоты вночі в Мадярьску під -10 ґрадусів.
(Медвідь, TASR)
-
Назад / Nazad Блінкен: Реґіоналны лідеры хотять співпрацу при обнові Ґазы
-
Далше / Dalše Польща затримала білоруську шпіонку