Шефка французькой крайні правіцовой партії Народне здружіня Маріне Ле Пенова пропонує позаставити членьство Турції в НАТО. Увела то днесь в розговорі справодайска компанія RTL. Своёв воєньсков операціов на севері Сірії Турція за словами Ле Пеновой „порушыло крітерія про членство в НАТО“, з той причины за єй словами є потрібне позаставити його членство в аліянції. Французькый презідент Еммануел Макрон  на конець сумміту ЕУ в Бруселі выголосив, же події  в послідніх дньох в Сірії суть великов хыбов Западу і НАТО. Підкреслив, же Турція як член НАТО, „вырішыла напасти того, хто быв реґіоналным партнером меджінародной коаліції в бою против Ісламского штату.“ За словами Макрона настав час собі положыти вопрос о фунґованю НАТО.  (TASR, Pkf)