Кількость біженців, котры мають намагу дістати ся через море до Італії в остатніх двох місяцях знижыла ся. Од зачатку юлія до 25-го авґуста пришло до Італії лем 2932 міґрантів. За тот сам період в попереднім році їх было 21 294. Выходить то із даных публікованых днесь італійскым Міністерством внутрішніх справ. Лем в місяці авґуст понижыла ся кількость о 90 процент. Лібійска побережна сторож інформовала, же ку знижіню дішло в дослідку інтензівнішых контроль в Середоземнім морю. За думками фаховців дішло ку понижіню чісел міґрантів із той причіны, же в Лібії є нова озброєна ґрупа, котра боронить пашеракам людей выйти на море.
(Петро Медвідь)