Німецька канцеларька Анґела Меркелова у сполочнім выголошіню зо шефом німецькой діпломації Геіком Маасом в понедільок апеловали на Росію, жебы докладно і з повнов транспарентностьов розкрыла припад правдоподобного отровліня єдного з головных представителів російской опозіції Алексея Навального. Інформовала о тім аґентура DPA. Навальный є в штучнім спаню, но не грозить му акутне небезпеченьство, інформовали в понедільок лікарі берліньского шпыталю Харіте, де є Навальный од суботы госпіталізованый. На правдоподобне отровліня вказали і німецькы лікарі. З резултатів їх тестів выходить, же в його тілі нашли „інгібіторы холінестеразы“. О яку конкретну отрову іде, затля не є знаме.

(Медвідь, TASR)