Польскый презідент днесь штартує навщівов Словакії турне по країнах ґрупы V4. Хоць про польску владу не є пріорітов співпраца в рамках V4, Навроцькый поважує тото середньоевропске зґрупованя за освідченый і ефектівный формат співпраці, котрый Польща хоче і далше хосновати. У віторок то подля аґентуры PAP повів радник польского презідента про меджінародны діла Марцін Пжыдач. Радник презідента припустив, же меджі країнами V4 тырваюь розділы в позіціях односно Росії і войны на Україні, но спомянув, же в аґенді є много сполочных пріоріт, меджі котрыма є господарьска, черезгранічна і енерґетічна безпека. Навроцькый кінцьом новембра навщівить Прагу, а турне закінчіть в мадярьскім Остригомі на саміті голов держав V4, по котрій піде до Будапешті.

(Медвідь, TASR)