Ізраільскый премєр Бенъямін Нетанъягу в понедільковім інтервю про станіцю Fox News повів, же Іран будовав новы ядровы заряджіня, на котры бы о дакілько місяців уж не мож было атаковати. За його словами Тегеран почав будовати новы заряджіня, новы місця, бункры під земльов, котры бы почас дакілько місяців зробили їх проґрамы балістічных ракет і атомовых бомб імунныма односно атак. Подля ізраільского премєра із конфілкту не стане „безконечна война“, хоць признав, же може „хвілю тырвати“. Шеф Білого дому Доналд Трамп в неділю вечур назначів, же операція проти Ірану буде подля одгадів США тырвати прбилизно чотыри тыждні.

(Медвідь, TASR)