Першов давков вакціны проти новому коронавірусу заочковали уж четвертину жытелїв членьскых країн ЕУ. У віторок о тім на Твітері інформовала председнічка Европской комісії Усрула фон дер Леєнова. Подля шефкы ексекутівы ЕУ першу давку вакціны дотеперь достало веце як 150 міліонів людей. ,,Вакціначна кампань в ЕУ наберать на обратках,“ написала фон дер Леєнова. Дале увела, же Унія буде мати в юлу достаток вакцін на заочкованя 70 процент вшыткых своїх дорослых жытелїв.

(TASR, Шутіова)