Великы вылетны шыфы будуть мати од 1-го авґуста заказане плавити ся в близькости центра Венеції. Даный приказ одобрила вчера італійска влада. Як пише аґентура AFP, влада так зробила по повторюючіх варованях, же великы вовны запричінены даныма шыфами пошкоджують основы міста і нарушують крегкый екосістем венецькой лаґуны. За великы шыфы будуть поважованы такы, котры мають вытлак веце як 25.000 тон, довжку веце як 180 метрів, вышку над 35 метрів і продукцію веце як 0,1 процента сіры. (TASR, Pkf)