Польскы вояци зачали ставляти плїт на граніцях з Білорусіёв. Плїт мать заставити напор нелеґалных міґрантів. О зачатю ёго ставбы у четверь інформовала аґентура DPA одкликаюча ся на выядрїня польского міністра обраны Маріуса Блащака. Міністер у четверь пополідне на Твітері ознамив, же ставляти ся зачало уж в середу пополідне а одвтоды были поставлены уж скоро три кілометры оплотіня. Польска погранічна страж у четверь інформовала, же лем од зачатку авґуста дошло уж ку высше 3000 пробам о нелеґалне перекрочіня граніць країны.

(TASR, Шутіова)