Польща зробить вшытко, жебы звекшыти шансы Україны на перемогу
00
Польща зробить вшытко, што є в їй силах, жебы звекшыти шансы Україны на перемогу у войні з Російов. Приобіцяв то в понедільок польскый премєр Доналд Туск почас навщівы Києва, інформує аґентура PAP. Як польскый премєр повів, роблять то з моралных причін, але так само з оглядом на безпеку Польщі. Войну Росії з Українов означів за боротьбу меджі добром і злом. Польща є за словами Туска з пресконференції, котру мав вєдно з україньскым презідентом Володиміром Зеленьскым, приготовлена підпорити Україну і воєньскым выбавліньом. За його словами є потрібне Україну підпорити вшыткыма средствами, бо в тій войні іде і о безпеку польского народа а державы.
(Медвідь, TASR)
-
Назад / Nazad Рихтує ся друкована Інтерфийса. Унікатный проєкт
-
Далше / Dalše Протесты проти AfD продовжовали і в понедільок