23-го януара 2024-го року минуть точно три рокы, одколи до русиньского світа інтернету вступив вебсайт Інтерфийса. Стоять за ним двоми молоды русиньскы ентузіасты з Підкарпатя – Мигаль Лыжечко і Петро Біров. З той нагоды рихтує ся друковный зборник із єднаков назвов. Проєкт Інтерфийса – то некомерційный портал, „цільом котрого є шырити новости і назоры, старати ся школовати людей у технолоґіях, хоснуючі нашу бісіду,“ дочітаме ся на порталі. Інтерфийсу Лыжечко з Біровом основали якраз на 10-ту річніцю выникнутя русиньской языковой верзії сайту Wikipedia. Од свого выникнутя портал Інтерфийса приносить статі з области технолоґічных новостей, популарной наукы, і є унікатным русиньскым проєктом што до той проблематікы. В тых днях редакторы оголосили, же з нагоды третьой річніці основаня сайту рихтують про своїх чітателів парадне святочне друковане выданя, в котрім будуть нелем найліпшы статі, якы были на порталі публікованы, але  і ексклузівны матеріалы, котры іщі на вебсайті не были. (TASR, Pkf)