Чеськый презідент Петр Павел і польскый презідент Анджей Дуда на пресконференції по стрічі в понедільок в Празі вєдно акцентовали стратеґічне партнерство меджі своїма країнами, і то головно в области обороны і підпоры Україны. Дуда высловив надію на продовжованя співпраці і по выменованю нового польского презідента Карола Навроцького. Павел оцінив економічну силу Польщі і выголосив, же Европа буде потребовати країны, котры суть так дінамічны. Дуда подяковав за позваня до Прагы і припомянув історічны звязы обидвох народів. Обидвоми лідеры занимали ся і вопросами інфраштруктуры, головно в области будованя меджідержавных експресных штрек і драг, як і посилніньом европской безпекы.

(Медвідь, TASR)