Европосланци у четверь будуть голосувати о пропозиції на высловліня недовіры Европскій комісії (ЕК) під веджіньом Урсулы фон дер Леєновой. Хоць схваліня єй барз неправдоподобне, понедількова розправа в плeнi і послідні дні одкрыли глубокы конфлікты  наперек цілого політічного спектра і крітіку і од фракцій, котры фон дер Леєнову перед роком до функції підпорили. Інформують о тім порталы Euronews і Politico. Наперек тому, пропозиція мать лем мінімалну шансу на схваліня, кідьже на єй приятя є потрібна двойтретинова векшына притомных  голосів посланів  Европского парламенту, котра вєдно мусить представляти векшыну вшыткых европосланців. Голосуваня в четверь так правдоподобно послужыть лем як указователь міры неспокойности з председницьков ЕК. (TASR, Пкф)