Америцькый презідент Йое Біден буде днесь телефоновати з ведучіма представителями выходоевропскых країн включно Словакії котры суть членми Североатлантічной аліянції, абы з ними продіскутовав вівторняйшю дебату з російскым презідентом Владіміром Путіном, як і страх з войны на Україні. В ночі на днесь то ознамив Білый дом, котрый цітовала аґентура AFP. Як конкретізував Білый дом у своїм выголошіню, же Біден буде телефоновати з лідрами Букурештской девяткы, їх союзниками з Выходного крыла NATO, абы їх інформував о своїй бісіді з презідентом Путіном, выслухав собі їх погляды на днешню сітуацію і підчеркнув обовязок Сполученых штатів дотуляючій ся трансатлантічной безпечности. Букурештска девятка є складена з Булґарії, Чехії, Естонії, Латвії, Лотішска, Мадярьска, Польщі, Румунії ї Словакії, припоминать  AFP. (TASR, Pkf)