Того часу неіснує перспектива на досягнутя  догоды на обновіня влады в Севернім Ірьску. Увела то вчера  лідерка тамойшой пробрітской Демократічной уніоністічной партії Арлен Фостерова, котра одночасно вызвала Лондін на перевзятя фінанчной контролї над данов брітсков провінціов. Інформувала о тім аґентура Ройтерс. Северне Ірско є в політичнім паті уж од минулого місяця, коли ся републіканска партія Сін Феін стягнула з влады, котру на основі договору о розділені мочі творила сполочні с Демократічнов уніоністічнов партійов. Обідві партії наслідні змешкали уж пару термінів становеных на обновіня выконной мочі, причім брітска і ірьска влада достали  в януарї послідню можность на досягнутя  догоды.