Словацькый посол при Святім престолі і Незалежнім чіні Малтезькых рыцарів Марек Лісаньскый собі 25-го марца перевзяв у Апостольскім палаці у Ватікані высоку папску нагороду – Великый крест Ордену Пія IX., котрый му передав Папа римскый. Інформовала о тім словацька амбасада при Святім престолі. Лісаньскый перевзяв нагороду з рук архієпіскопа Едґара Пена Парры, субстітута про общі справы Державного секретаріату Святого престола. Папа Франціск уділіньом той нагороды оцінив детеперішні заслугы і діяня посла Словацькой републікы при Святім престолі і єдночасно підкреслив высоку уровень односин меджі Ватіканом і Словацьков републіков, інформовала амбасада.

(Медвідь, TASR)