Брітаньскый премєр Кеір Стармер в понедільок в телефонаті з іраньскыкм презідентом Масудом Пезешкіяном вызвав Тегеран, жебы не напав на Ізраіль, інформує аґентура Reuters. Стармер в розговорі повів, же є глубоко знепокоєный сітуаційов на Близкім выході і вызвав вшыткы стороны, жебы знижыти напругы і заборонити далшій реґіоналній конфронтації. Подля Стармера бы увага мала ся концентровати на діпломатічны переговоры, но тоты за його словами годны продовжати лем втогды, покля Іран перестане із „дестабілізачныма акціями“, включно выгрожованя особам у Брітанії, і кедь перестане помагати російскій інвазії на Україну, пише ся у выголошіню. Ізраільска армія є од понеділька в стані найвысшой поготовости, кедьже Ізраіль і Споєны штаты очекують, же Іран бы уж тот тыждень міг зачатли великы атакы як одвету за атентант на вождя Гамасу Ісмаіла Ганію із 31-го юла в Тегерані.

(Медвідь, TASR)