Затля не было вырішено, на якій уровни буде репрезентована мадярьска влада на мірній конференції о Україні у Швейцарії. Повів то в понедільок шеф мадярьской діпломації Петер Сійярто про комерчну телевізію ATV. Подля телевізії презідент Володимір Зеленьскый на конференцію, котра має проходити 15-го і 16-го юна запросив і мадярьского премєра Віктора Орбана. Сійярто підкреслив, же Будапешт барз оцінює мірны намагы Швейцарії і вшыткых остатніх, но єдночасно припомянув, же подля мадярьской влады можуть такы переговоры быти успішны лем втогды, покля вшыткы участны войны сядуть за стіл, причім Росія запрошена не была.

(Медвідь, TASR)