Україньскый парламент у четверь выменовав Андрія Сібігу за міністра загранічных дїл. Про аґентуру Reuters то увели посланцї. Україньскый парламент передтым схвалив демісію Дмітра Кулебу. Ку вымінї на постї шефа україньской діпломації доходить в рамках реорґанізації влады нарядженой презідентом Володимиром Зеленьскым, подля котрого потребує країна ,,нову енерґію“ в ключовім моментї войны проти Росії. Сібігу на пост міністра загранічных дїл пропоновав посланецькый клуб владной страны Слуга народа.

(TASR, Шутіова)