Федерална унія европскых меншын орґанізує петіцію, котров хоче зліпшыти охрaну народностных і языковых меншын. Дала собі за ціль вызберати міліон підписів. Апелує на Европску унію, жебы прияла політічны крокы в области реґіоналных і меншыновых языків, освіты, културы, реґіоналной політікы і рівности  авдіовізуалной і медіалной помочі. Петіцію може підписати каждый жытель Европской унії, котрый мать 18 років. Федерална унія европскых меншын є меджінародна мімовладна орґанізація, котра была заснована в 1949-ім році і  допомогла до того, же Рада Европы прияла Европску харту реґіоналных або меншыновых языків і Рамковый договор на охрану народностных меншын. Петіцію Федералной унії европскых меншын можете підписати на єй офіціалнім сайті, котрый мать потребны языковы мутації.
(Петро Кімак-Фейко)