Чеськый біохемік Зденєк Гел, котрый є професором імунолоґії на Універзіті в Алабамі, подав карне ознамліня на уповномоченого словацькой влады про перевіріня процесу веджіня і манажованя жрідел під час пандемії COVID-19 Петра Котлара за його высловы на семінарі в Посланецькім сеймі чеського парламента. Підозрівать  го зо шыріня поплашной справы. Карному діяню уж Котлар противостоїть і на Словакії, інформує о тім справодайкыня пресаґентуры TASR у Празі. (TASR, Пкф)