Членьскы державы Европской унії в понедільок в Бруселі потвердили список пропонованых членів новой Европской комісії, котры бы мали быти у функції до 31-го октобра 2024-го року. Інформовала о тім Рада Европской унії. В середу бы о складі комісії мали голосовати евродепутаты в рамках пленарного засіданя в Штрасбурзі. На списку еврокомісарів не є жаден представитель Великобрітанії. Шефка европской екзекутівы Урсула фон дер Леєнова вецераз вызвала брітаньску владу, жебы чімскоріше пропоновала свого номінанта, но Лондон ся одкликовав на передчасны парламентны вольбы, котры будуть 12-го децембра.

(Медвідь, TASR)