Членьскы державы Европской унії в понедільок схвалили побрексітовый бізнісовый договор з Великобрітанійов, Інформовали о тім пресаґентуры Associated Press і AFP. Договор быв схваленый на уровни послів 27-ох членьскых держав, котры представили згоду своїх народных влад, жебы договор із 24-го децембра зачав платити од 1-го януара. Тот крок уможнить, жебы бізніс без хоснованя цла і далшых барьєр межі евроблоком і Лондоном продовжовав і в новім році, кедь Великобрітанія опустить єднотный рынок Унії. Евродепутаты єдночасно звернули увагу на то, же не є час, жебы до кінця рока подробно пробадали договор в окремых робочіх выборах і схвалили то на пленарнім засіданю. Европарламент ся ку договору высловить аж в януарі, но його председа Давід Сассолі підкреслив, же евродепутаты договор підпорять, жебы заборонити хаосу, котрый бы могли почути гражданы і компанії Унії і Великобрітанії.

(Медвідь, TASR)