Ізраїль сіґналізував шефові діпломації Европской унії (ЕУ) Йосефові Борреллові, же по його крітічных позначках о ізраїльскій політиці на западнім берегу Йордану не є в країні вітаный. Вчера то повів неназваный ізраїльскый представитель, котрого цітовала пресаґентура AP. Тот інцідент є найновшым проявліньом згіршованя  односин меджі новов, крайні правіцовов владов Ізраїля і дакотрых його найближшых союзників. Боррелл нагнівав Ізраїль свойов статтьов опублікованов минулый тыждень, де подля ізраїльскых представителів дав на єдну уровень ізраїльскы жертвы палестиньскых атаків і мілітантів вбитых при операціях ізраїльской армады. (TASR, Pkf)