За словами чеського премьєра Андрея Бабіша люди в Чехії, котры против нього демонштрують, недосягнуть ниякых змін у владі. Інформував о тім справодайскый портал Novinky.cz. „Люди мають правдаже право демонштрувати, аж на то, же демонштрують на основі дачого, што неє правда,“ повів Бабіш при своїй навщіві Братіславы, де брав участь на конференції Ґлобсек 2019 Братіслава Форум. Бабіш підчеркнув, же в Ческій републиці ся небуде мінити влада на основі демонштрації. “Чеська република не є Словакійов. Мали сьме слободны і демократічны вольбы. На то маме слободны вольбы, абы люде высловили свій назор,“ додав. (TASR, Пкф)