Австрійско-америцькый  філмовый герець Арнолд Сшварценеґер (Arnold Schwarzenegger) навщівив вчера націстічный концетрачный табор Авшвітц (Auschwitz) на югу Польщі. При даній нагоді стрітнув ся і з прежывшыма голокавсту і выголосив, же прийшов час “скінчити“ ненависть. Пресаґентура TASR інформує подля аґентуры AP. Як дале повів 75-рочный бывшый ґуверенер америцького штату Каліфорнія, же “є то історія, котра мусить остати жыва, є то історія о котрій треба фурт бісідувати. Єм сыном чоловіка, котрый бойовав в націстічній армаді“. Сшварценеґер ся народив в Австрії і в минулости отворені бісідував о тім, же його отець Ґустав Сшварценеґер быв в часі другой світовой войны націстічным вояком.  (TASR, Pkf)