Великый лісный пожар в бывшім воєньскім ареалі в німецькій сполковій країні Саско ся значно розшырив, інформовали вчера містны уряды. Пламіня уж засягло і сусідню сполкову країну Бранденбурско, де ся находить главне місто Берлін. На місці засягує понад двасто гасічів. Сітуація є поважована за вынятково небезпечну. Інформує о тім агентура DPA. „Вєдно зо саксков країньсков поліціов ся в сучасности роздумує над насаджіньом гасічскых гелікоптер на місце находжіня невыбухнутой муніції в области пожару,“ увели в середу пізно вечером тамтешні уряды. Теріторія засягнута пожаром ся десятькратньо збільшыла, увів Райко Рідел, заступник началника гасічского збору в сакскім селі Цайтгайн. Пожар подля нього засягнув скоро 600 гектарів теріторія. Його скорому шыріню помагать сухый порост вадно із слабшым вітром. Дакілько сел мусіло быти евакуованых. (TASR, Пкф)