Владнуча Іспаньска соціалістична робітницька партія (PSOE) здобыла в неділю найвецей голосів в  предчасных парламентных вольбах, але так як то было і в апрілі шак недосягла векшыну. Крайні правіцова партія Vox свій волебный прибыток против апрілю здвократнила. Выходить то з першых проґноз волебных выслідків опублікованых іспаньсков верейноправнов телевізіёв (RTVE), інформувала о тім аґентура DPA. Одгадує ся, же Владнуча Іспаньска соціалістична робітницька партія обсадить лем 114 – 119 з цалковых 350 парламентных кресел, покы што дотеперь їх мала 123. Конкуренчна Людова партія (PP) бы собі мала поліпшыти і намість дотеперішніх 66 обсадить 85 – 90 кресел. Крайні правіцовый Vox за одгадами є третім із прибытком 56-59 кресел, што є против попереднім вольбам вецей як двократньо. (TASR, Pkf)